Við erum hópur homma og lesbía sem að mestu leyti hafa varið öllu lífi okkar í baráttu fyrir borgaralegum réttindum samkynhneigðra. Innan okkar raða eru læknar, geðlæknar, fræðimenn, fjölmiðlafólk og lögfræðingar með sérfræðiþekkingu í forvörnum, vernd og mannréttindum.

Við fögnum þeim mikilvægu skrefum sem hreyfing okkar hefur tekið með samfélaginu öllu í áratugi og við erum ánægð með að Ísland er í dag afar gott samfélag fyrir samkynhneigt fólk. Við höfum stofnað Samtökin 22 vegna þess að við teljum að mikilvægir sigrar í baráttu okkar séu í hættu.

Allir vita að aðeins eru til tvö líffræðileg kyn. Þau sjást í móðurkviði og/eða við fæðingu og er ekki ,,úthlutað”. Við vitum að hugmyndafræði kynjafræðinga eru gervivísindi og ógn við samkynhneigða. Einnig teljum við að þessi hugmyndafræði sé ruglingsleg og hættuleg börnum.