RÚV tekur þátt
Okkur þykir miður að Ríkisútvarpið taki þátt í því að búa til hugrenningartengsl gegn okkur.
Fréttir kl. 19:00 - 17.02.2023 | RÚV Sjónvarp (ruv.is)
Það var ekkert haft samband við okkur við vinnslu umföllunar RÚV hvorki frá RÚV-Fréttir eða umsjónarmönnum Spegilsins.
Við skrifuðum tölvupóst til Fréttastofu RÚV og Ölmu Ómarsdóttur eftir umfjöllunina 17. febrúar sl.
Sæl Alma,
Fyrr í dag talaði ég á eigin fésbókarvegg aðeins um hversu erfiða homofóbíu við erum að eiga við. Í RÚV - Fréttir í kvöld var því haldið fram að Samtökin 22 - Hagsmunasamtök Samkynhneigðra haldi úti transfóbískum áróðri og beita sér gegn réttindum transfólks. Þetta er rangt, og hefði fréttastofan gert heimavinnuna sína þá hefði hún:
A. Skoðað samfélagsmiðlasíður okkar á Facebook og Twitter
B. Skoðað heimasíðu LGB Alliance sem þið vitnuðuð í
C. Lesið greinar eftir mig sem formann Samtakanna 22 m.a. í Morgunblaðinu og á frettin.is
D. Lesið umsögn okkar til Alþingis er varðar bælingarmeðferðabann
Við erum EKKI andvíg því að fullorðið fólk gangi í gegnum inngrip sem fær það til að líða betur svo lengi það gangi ekki á rétt annarra eins og aðgang að t.d. kynjaskiptum rýmum þegar á við í heilbrigðisþjónustu, íþróttum, fangelsi, athvorfum etc. Við erum andvíg að BÖRN séu flækt inn í transaktivisma kynjafræðinga og að þau verði gerð að lyfjaþrælum lyfjarisa vegna hugmyndafræðilegrar tilraunastarfsemi.
Börn eru ekki í stakk búin að taka slíkar afdrifaríkar ákvarðanir og það er verkefni ALLRA að vernda börn og setja þeirra hag í fyrsta sæti ALLTAF, þó það stundum líti ekki þannig út er til skamms tíma er litið. Því yngri, því fleiri mistök.
Þetta eru staðreyndir.
Kynami helst iðulega í hendur við önnur geðræn vandamál.
Önnur staðreynd. Samkynhneigðir hafa upplifað kynama, m.a. ég sjálfur. Ég veit hvað hefði komið fyrir mig hefði ég verið 14 ára ég árið 2023. Fullorðið fólk má lifa sínu lífi eins og það kýs. Það er frelsi. Það er hinsvegar ekki frelsi að ganga á rétt annara til kynjaskipta rýma, inn í tækifæri kvenna til frama eða heimta að fólk hunsi sitt eðlislæga skynbragð á hlutlægum raunveruleika.
Hvernig stöndum við vörð um réttindi okkar, ef við hættum að mega að tala um grundvöllinn fyrir þeim og markmiðum þeirra? Gerið betur, Rúv. Sendið okkur póst á info@samtokin22.is og við getum rætt þessi mál. Einnig ítreka ég, Samtökin 22 eru alltaf til í umræður við Uglu og Daníel. Það hefur ALLTAF staðið þeim til boða. Það hefur t.d. verið boðið þeim að mæta okkur hjá fleiri hlaðvarpsstjórnendum á Íslandi, en án árangurs.
Vissulega er morð á unglingum hræðilegt sama hverjir eiga í hlut. Ofbeldi á milli barna og ungmenna er orðið grófara en þekkst hefur áður og það er efni í frétt. Sama dag og Brianna lést þá var annar 16 piltur í Cheshire stunginn til bana af jafnöldrum. Hinsvegar er nánast ekkert fjallað um það mál.
Morðtíðni á transfólki í Bretlandi er mun lægri en hjá öðru þýði.
Bestu kveðjur
Eldur Ísidór
Formaður Samtakanna 22
Hvorki fréttastofa RÚV né Alma hafa svarað erindi okkar.
Árás úr ræðustól Alþingis
Á sama tíma og við vorum í Reykjavík síðdegis tók framkvæmdarstjóri Samtakanna 78, Daníel E Arnarson til máls í ræðustól Alþingis í krafti stöðu sinnar sem varaþingmaður fyrir Svandísi Svarvarsdóttir.
Þar réðist hann að umsagnaraðilum og reyndi að bendla samtökin okkar og aðra umsagnaraðila við haturssamtök, nýnasista og annað undarlegt.
Það getur varla talist annað en öfgafullt að maður sem segist starfa í þágu samkynhneigðra ráðist með þessum hætti á samtök homma og lesbía, og samtök fagfólks og á transfólk sem einnig skiluðu inn umsögnum gegn frumvarpinu.
Við lögðum fram umkvörtum til forseta Alþingis vegna þessa ummæla og vegna augljósra hagsmunaárekstra Daníels.
Tekist á um bælingarfrumvarp - Vísir (visir.is)
Umkvörtun okkar var vísað frá sökum þess að Daníel sat einungis í eina viku á þinginu og náði því reglurnar um hagsmunaskráningu ekki til hans. Þær ná aðeins til þingmanna sem sitja á þingi í 4 vikur eða lengur.
Daníel er á fullum launum sem framkvæmdarstjóri Samtakanna 78, sem einnig skiluðu inn umsögn um frumvarpið.
Daníel hefur hvorki beðið okkur afsökunar, né dregið ummælin til baka eða fært nein rök eða gögn máli sínu til stuðnings.
Meingallað lagafrumvarp…
Hanna-Katrín skundaði í stúdío Reykjavík Síðdegis til þess að reyna að grafa undan trúverðugleika okkar samtaka og annarra samtaka sem eru fullmönnuð af fagfólki víðsvegar að, m.a. frá Íslandi.
Í viðtalinu reynir hún að gera lítið úr umsagnaraðilumum sem gagnrýndu frumvarpið, en valdi (eins og oft) að fara í manninn, en ekki boltann.
Viðtalið við Hönnu-Katrínu má heyra hér að neðan
Samtökin 22 höfðu samband við Reykjavík Síðdegis til þess að leitast eftir því að koma okkar sjónarmiðum á framfæri eftir þessa framkomu þingmannsins í garð okkar og annarra umsagnaraðila.
Við komum því til skila að við værum ekki á móti transfólki, heldur værum við andvíg því að börn séu dregin inn í þennan aktívisma og tilraunastarfsemi kynjafræðinga og lyfjarisa.
Meingallað lagafrumvarp
It all begins with an idea.
Í janúarmánuði árið 2022 lagði Hanna-Katrín Friðriksson, þingmaður Viðreisnar fram frumvarp um breytingar á almennum hegningarlögum sem á að gera svokallaðar „bælingarmeðferðir“ (e. conversion therapies) refsiverðar.
Bælingarmeðferðir eru grimmilegar meðferðir sem samkynhneigt fólk hefur orðið fyrir vegna kynhneigðar sinnar.
Strax í janúarmánuði skrifuðum við greinar og erindi til Alþingismanna þar sem við gerðum grein fyrir afstöðu okkar til frumvarpsins.
Frumvarp um bælingarmeðferðir – athugasemdir frá LGB teyminu - Frettin.is
Málið sofnaði í nefnd og kláraðist því ekki í meðförum þingsins þann þingveturinn.
Það breytti því ekki, en að þrátt fyrir að hafa ÍTREKAÐ reynt að eiga samskipti við Hönnu-Katrínu og komið sjónarmiðum okkar áleiðis í almannarýminu var frumvarpið endurflutt án breytinga þann 20. september sama ár.
Það sem ber að athuga, er að þessi frumvörp um bann á bælingarmeðferðum voru lögð fyrir þjóðþingin á Vesturlöndum nær undantekningarlaust á sama tíma. Hérna er því ekki um séríslenskt mál að ræða, heldur er þetta skipuagt átak miðstýrt erlendis frá.
Við skiluðum athugasemdum ásamt samtökum á borð við Genspect, GenID, GenID Norge, Society for Evidence-Based Gender Medicin (SEGM) og transmanninum Buck Angel og Ritchie Herron sem er samkynhneigður maður sem glímir við geðræn vandamál og lenti í kynjahakkavél hugmyndafræðismiða.
Í kjölfarið ætlaði allt um koll að keyra og mikil ringulreið skapaðist á Twitter milli sumra þingmanna og annara samtaka þar sem stuttar fljótfærnislegar athugasemdir bárust í hrönnum samdægurs - með gagnrýnilausan stuðning við frumvarpið.
Frumvarpið er illa unnið. Það skortir allar skilgreiningar og er ónothæft eins og það er.
Umsögn okkar má lesa hér: 153-374.pdf (althingi.is)
Þvottahúsið
It all begins with an idea.
Í kjölfar umfjöllunar Mannlífs bauð Gunnar Dan okkur að mæta til sín í Þvottahúsið.
Við þáðum vitaskuld boðið með þökkum, enda viljum við ekkert frekar en að fá að ræða málin.
Þáttinn í Þvottahúsinu má sjá í spilaranum hér að neðan.
Það má taka fram að framkvæmdastjóra Samtakanna 78 og landsþekktum transaktívista var boðið að mæta í þátt hjá Gunnari. Það þáðu þeir fyrst, en hættu svo allt í einu við.
Hvorki framkvæmdarstjóri Samtakanna 78 né formenn þess hafa viljað sinna hlutverki skjólstæðinga sinna með að eiga við okkur samtal.
”No debate” tímabilinu er lokið.
„Það er ekki hægt að fæðast í röngum líkama: Við erum líkamar okkar, það fæðist enginn vitlaust“
It all begins with an idea.
Mannlíf sýndi þor og hugrekki þegar það tók viðtal við formann okkar haustið 2022.
Fyrirsögnin að ofan gerði allt vitlaust og ekki bætti úr þegar helgarviðtal og podkast þáttur þar sem við reyndum í grófum dráttum að gera grein fyrir afstöðu okkar.
Eldur Deville: „Okkar samfélag á ekki að geta sífellt komið sér undan gagnrýni“ - (mannlif.is)
Hér að neðan má sjá viðtalið í heild sinni
Árásirnar hófust strax…
Árásirnar hófust strax fyrsta daginn…
LGB teymið var stofnað með yfirlýsingu þann 21. september 2020. Strax á fyrsta degi, án þess að ræða við hvorki kóng né prest vorum við stimpluð sem hatursfull og transfóbísk samtök. Fyrir það eitt, að vilja standa vörð um áunnin réttindi okkar, ræða málefni okkar og mótmæla því að börn hafa verið dregin inn í aktívisma kynjafræðinga og lyfjarisa á Vesturlöndum.
Hugsanlega gæti það hafa haft áhrif að við höfum aldrei farið í felur með að líffræðilegt kyn, staðreyndir og hlutlægur raunveruleiki skipta sköpum líf okkar allra sem samfélag.
Við vorum sökuð um að ,,færa þennan boðskap til Íslands” af fólki sem hefur gert lítið annað en að flytja inn kynjafræði, hinsegin fræði (e. Queer Theory sem er nota bene kenning, ekki fræði) og annað slíkt frá Bandaríkjunum aðallega og einnig Bretlandi.
Það er augljóst að þessi vöxtur öfgafulls transaktívisma á Íslandi, og birtingarmynd hans, ber engin séríslensk einkenni með sér. Þessi aktívismi er einleitur um hinn gjörvallan vestræna heim.
„Hinsegin menning" - (mannlif.is)
Efast um að „LBG teymið“ eigi upp á pallborðið hjá hinsegin samfélaginu - Vísir (visir.is)
Gagnrýna tilraun til stofnunar transfóbískra samtaka á Íslandi - Heimildin